الخليج
01-19-2009, 02:51 PM
يوم الأربعاء اتفقوا واحد من اخواني وربعه انهم يجتمعون فبيتنا في الملحق ويتفرجون على المباراة .. أصوات تشجيعهم وحماسهم واصله عندنا داخل البيت .. وقتها عورني قلبي .. خفت ربي يعاقبهم .. الدنيا حرب وضرب .. وهم كورة وتشجيع وكأن مذيعين الأخبار يقصون ألف ليله وليله.. صحيح ان عالمنا دول مستقله بس يبقون مسلمين حنا واياهم دم واحد غالي ؛ وأحزانهم أحزاننا ..
أنا اللي أعرف ان الواحد إذا ما استحى من الله يستحي عالأقل من عبيد الله .. شي مخزي.. بالذات الشريط الإخباري إذا قريته ارتفع ضغطي كأن قلوبنا حجر .. على طول بعد خبر غزة والشهداء يجي خبر خليجي 19 .. مساكين هاللي ما حركتهم أحداث غزة.. نسوا إن الله يقدر بكلمه منه يخفي اليهود عن وجه الأرض .. بس هو يمتحنا وش سوينا لهم وش قدمنا لو بقلوبنا ودعواتنا .. مساكين نسوا إن الدنيا امتحانات يثبت الله فيها المؤمن ويضل المنافق عشان تقوم القيامه .. كان ودي أجمع الشباب والبنات اللي متجمهرين قدام التلفزيون وأعطيهم أسلحه وأكبهم فغزة وأنا أولهم ياننتصر والا نستشهد ونشفع لسبعين من أهلنا ؛ والله انه أشرف من انهم يموتون عندنا بتفحيط والا أمراض وإلا مخدرات وبلاوي ثانيه ثم يخزون مو سبعين .. يخزون عايلتهم كلها .. الموت كلنا بنموت بس فرق بين موت وموت ..
الشي المضحك المبكي ..هي القمه اللي انعقدت فوحده من الدول العربيه .. قال ايش..لإعادة إعمار قطاع غزة بعد الحرب .. الله يفشلكم .. وش اعماره .. انتم وقفوا الحرب وبعدها يفتح الله ..
قبل كم يوم شفت بمجمع الظهران .. وحده كاشفه وجهها وكابه ميك اب لما قالت آمين .. وحاطه على رقبتها شماغ فلسطيني وطبعا ماشيه تستعرض .. فار دمي .. لو ما تعوذت من ابليس كان بغيت أروح أسحب الشماغ من رقبتها وأقولها ماضيع فلسطين الا أمثالتس ..والله قهرتني
المشكله اللي عجزنا نستوعبها هي اننا مجهزين جواب سقيم إذا انسألنا يوم الحساب عن غزة .. اللي بقول أنا مو عسكري والعسكري يقول ماني رئيس أمشي جيوش .. والرئيس يقول فيه غيري أقوى مني .. طيب يوم انا ما نقدر نسوي شي بيدينا ليه ماعشنا بقلوبنا وفلوسنا معاهم .. للأسف بعضنا يستصغر أثره .. أكبر غلط ان الواحد يقول في نفسه ( أنا واحد ما أأثريعني بيضر اليهود شي لو ما شريت من المطعم الفلاني والا المحل العلاني اللي يساعدونهم؟) يكسرون خاطري .. نسوا انا بننسأل واحد واحد وش سوينا لغزة .. وأحقر شي لمّا الواحد يضعف قدام وجبه وإلا لبس معين .. قال ايش .. ما يأثر .
أنا واثقه ميه بالميه انا نقدر ؛ لو نوحد قلوبنا ونتوكل على الله .. والله مايردنا لا أمم متحده ولا مجلس أمن ولا بطيخ .. صح مانعطل حياتنا بس مو نعيش و لا كأن لنا دم غالي علينا يوميا ينزف .. قساوسه نطقوا .. احتجوا .. ولو الحجر ينطق كان نطق .. وحنا تفاعلنا في البدايه وشوي شوي بدينا نلهى .. ,, غزة غنيه عنا .. أهلها قدامهم خيارين , يا اما ينتصرون والا يستشهدون .. كل واحد أحلى وألذ من الثاني .. بس الي محتاج ومحاصر من كل جهه هو حنا .. لا تنسون ان ربي يختبرنا ويميز بيننا يا مؤمن يا منافق .. ولا فيه خيار بالوسط ..
وياعين لا تبكين..
أنا اللي أعرف ان الواحد إذا ما استحى من الله يستحي عالأقل من عبيد الله .. شي مخزي.. بالذات الشريط الإخباري إذا قريته ارتفع ضغطي كأن قلوبنا حجر .. على طول بعد خبر غزة والشهداء يجي خبر خليجي 19 .. مساكين هاللي ما حركتهم أحداث غزة.. نسوا إن الله يقدر بكلمه منه يخفي اليهود عن وجه الأرض .. بس هو يمتحنا وش سوينا لهم وش قدمنا لو بقلوبنا ودعواتنا .. مساكين نسوا إن الدنيا امتحانات يثبت الله فيها المؤمن ويضل المنافق عشان تقوم القيامه .. كان ودي أجمع الشباب والبنات اللي متجمهرين قدام التلفزيون وأعطيهم أسلحه وأكبهم فغزة وأنا أولهم ياننتصر والا نستشهد ونشفع لسبعين من أهلنا ؛ والله انه أشرف من انهم يموتون عندنا بتفحيط والا أمراض وإلا مخدرات وبلاوي ثانيه ثم يخزون مو سبعين .. يخزون عايلتهم كلها .. الموت كلنا بنموت بس فرق بين موت وموت ..
الشي المضحك المبكي ..هي القمه اللي انعقدت فوحده من الدول العربيه .. قال ايش..لإعادة إعمار قطاع غزة بعد الحرب .. الله يفشلكم .. وش اعماره .. انتم وقفوا الحرب وبعدها يفتح الله ..
قبل كم يوم شفت بمجمع الظهران .. وحده كاشفه وجهها وكابه ميك اب لما قالت آمين .. وحاطه على رقبتها شماغ فلسطيني وطبعا ماشيه تستعرض .. فار دمي .. لو ما تعوذت من ابليس كان بغيت أروح أسحب الشماغ من رقبتها وأقولها ماضيع فلسطين الا أمثالتس ..والله قهرتني
المشكله اللي عجزنا نستوعبها هي اننا مجهزين جواب سقيم إذا انسألنا يوم الحساب عن غزة .. اللي بقول أنا مو عسكري والعسكري يقول ماني رئيس أمشي جيوش .. والرئيس يقول فيه غيري أقوى مني .. طيب يوم انا ما نقدر نسوي شي بيدينا ليه ماعشنا بقلوبنا وفلوسنا معاهم .. للأسف بعضنا يستصغر أثره .. أكبر غلط ان الواحد يقول في نفسه ( أنا واحد ما أأثريعني بيضر اليهود شي لو ما شريت من المطعم الفلاني والا المحل العلاني اللي يساعدونهم؟) يكسرون خاطري .. نسوا انا بننسأل واحد واحد وش سوينا لغزة .. وأحقر شي لمّا الواحد يضعف قدام وجبه وإلا لبس معين .. قال ايش .. ما يأثر .
أنا واثقه ميه بالميه انا نقدر ؛ لو نوحد قلوبنا ونتوكل على الله .. والله مايردنا لا أمم متحده ولا مجلس أمن ولا بطيخ .. صح مانعطل حياتنا بس مو نعيش و لا كأن لنا دم غالي علينا يوميا ينزف .. قساوسه نطقوا .. احتجوا .. ولو الحجر ينطق كان نطق .. وحنا تفاعلنا في البدايه وشوي شوي بدينا نلهى .. ,, غزة غنيه عنا .. أهلها قدامهم خيارين , يا اما ينتصرون والا يستشهدون .. كل واحد أحلى وألذ من الثاني .. بس الي محتاج ومحاصر من كل جهه هو حنا .. لا تنسون ان ربي يختبرنا ويميز بيننا يا مؤمن يا منافق .. ولا فيه خيار بالوسط ..
وياعين لا تبكين..