(يا ليتني ولد )

[الريم]

سلاااااام لكل الاعضااااء

(يااليتني ووولد)


متى..؟


لما يكونون معزومين بعزيمة ...والكل مستعد وتجهز....ويطلعون برا وينادوا السواق
وأخيرا يلقوا السواق مو موجود
وبعد جوله على جوالات الاخوان....
ويأس من ظهور السواق
وبعد جملة مافيه روحة ...
تلاقي صرخة تسبق هالجملة وتعبر عن الموقف بقوة
(يا ليتني ولد )









والا بجمعة عائليه ...وتخييم حلو بالربيع
العيال مجتمعين يلعبوا..
وبعضهم معه جمس والا جيب
والباقين يلعبوا بلوت
وضحك وبسطة
والبنات اللي معهم جوالات ويروح رجاها بالهوا
والثانيه واقفة تترجى اخوها ...بدون فايدة
والثالثة بعد مايأست رجعت لسواليف الحريم المملة والكيئبه
مع ان طلباتهم كانت دورة بالجيب بين هالرمال
او
يسمعون شريط بسيارتهم بس ماأحد راضي يعطيها المفتاح
والنهاية
(يا ليتني ولد )








وأحيانا تعزم صديقاتها
وتقولهم بكل الفخر
العشا على ...لا ومن وين من الريف الايطالي ......طلبيه عشان خاطر عيونكم
هم ماعندهم سواق
لأن الاب يقول عندكم 5 اخوان
(حنا مانحتاج سواق البيت كله شباب)
وإذا كانوا هالشباب
واحد مقفل جواله
والثاني بالبر مايوصل له الارسال
والثالث نايم بالملحق ولا في امل يصحى
والرابع بالغرفة ...وقافل على نفسه الباب ...ويقول لااحد يزعجني
والخامس مع عيال أخواله عندهم دورية
والعشا يتفركش
والاعذار تتسكت بوجبات( بتوصيل منزلي) من بيتزا هت
واول مايطلعون
تسمع صرخة بالحوش
(يا ليتني ولد )








كل شيء يهون بس اللي مايهون ايام الإجازات
قبل العطلة يمكن بشهر
البنات ..
يبه تكفى ..الله يسلمك ...الله يعافيك ...الله يخليك ....الله لا يحرمنا منك ..الله ....الله... الله... الله
نبي نسافر هاالسنة
لا وانا ابوكم هاالسنة مشغول
عندي انتداب عمل
ويمكن عمل اجباري
هالسنة امكم والده
وين ناخذ بزر بالشهور معنا
وأخوكم مهند
توه يمشي
تبونه يشغلنا اذا سافرنا والا يضيع من بين ايدينا
تدرون
تبون جدة والا الشرقيه ...يالله اختاروا ...
والا وش رايكم نروح عند اهلكم في الديره
بنفس هالوقت يدخل فيصل <<إحم إحم
يبه عن إذنك ترا اليوم رحلتي مع محمد وتركي وخالد ولد عمتي
بنسير على مصر ام الدنيا كم يوم ونجي
عاد زي ماقلتلك يمكن نمر شرم الشيخ
هاه يأخواتي ياحلوين تامرون على شيء قبل ماأروح
إيه
سموووو
تبون
ايش
(يا ليتني ولد )





-
-






نصل هنا للهدف من الموضوع !!
عندما تقول البنت..

(يا ليتني ولد )
أول شيء اسويه اروح أخذ امي واخوتي وامشيهم بشوراع
ونروح نشرب لنا قهوة من توتي كافيه
ولا نمر على ملك المانجو وناخذ لنا كوكتيل
والا اعشيهم على حسابي
والا أفاجئهم بتذاكر لمكة عشان ناخذ لنا عمرة
والا استنى اي فرصة اشوفهم محتاجين لي فيها عشان اخدمهم





بناااااااااااااااااااات آبي كل وحده منكم تقول متى تمنت أنها تكون ولد؟؟؟

...تحياتي

[ماجد بن محمد بن علي]

السلام عليكم ورحمة الله وبركاته
الله يهديك يا انتي يا ليتني ولد ههههه بالعكس كثير من الشباب الي اعرفهم وا انا منهم طلعه اسبوعيه مع طلعه شهريه مع الروتب
من غير اي شي يبونه بس بشرط يقولونلي قبلها بسبوع ان عندها عزيمت بنا ت ونبي كراث وحب وا السعه حدعش نبي عشاء كذا يبشرن اما انا با اخر الدنيا تدق تقول نبي عشا انا وصديقاتي تعال جب اقوله اغديس تقلبينه نوشف وعليكم السلام ورحمة الله وبركاته

[الريم]

رب يعطيك العاااااااافيه ع النقاااش

ماااقصرت ربي يحفظك للوالديك

[عادل النقيدان]

صحيح حنا يالعيال نطلع ونستانس بس فيه امور تجبرنا نجلس بالبيت

من ناحيتي انا قليل اطلع ايام الاسبوع بس خميس وجمعه دايم بالبر

ومن ناحيه البنت اعتقد انها يوم من الايام تكون ولد بس عشان تطلع

بس هالشي هذا ترجع للأهل اذا مايودون بنتهم او يلبون لها طلباتها بس كل شي وله حدود يعني دلعها بس على خفيف يعني امسك شي واترك شي





ومشكوووورهـ على الطــرح

يعافيــك ربــــــي

[ابراهيم بن موسى النقيدان]

ياْختي العزيزه انا والدي معاصر يعني عاش عصرين يعني اسمع بعض السواليف منه انه البنات او النساء كانو في السابق البنت تروح لسوق لحاله طبعا على رجلينه والنساء يجتمعن في احد البيوت لسمر والسواليف وهذي سمعته من الولده مكان فيه كل ها التعقيد الي يصير الان طبعا اول يقولون على نياتهم اما الحين الي هو يقولونه الغزو الفكري من الغرب الي هو قيادة المراءه لسياره وغيره من هذه الاشياء الكثيره انا شخصيا واي واحد من الشباب وده ان اهله يسوقون سياره بس على شاْن يفتك من قولة امش ودنا او جبنا بس المشكله الشارع فيه ناس ماتربو يبي يكون فيه مظايقات للمراه الحين ماسلمو البنات وهم ماسقو السياره امام المجمعات مثل النخيل وغيره فيه شباب الله يهديهم يخربون على غيرهم كي تعرفون ان في الماضي كانو على نياتهم كان الجار يسلم على امراة جاره ولا احد ينكر الشي مكان فيه مظيقات اما الان لو فيه عقوبه صارمه لمن يضايق امراه مكان فيه كل ها الاشياء واسف ان كنت طولت عليكم وشكرا

[الريم]

رب يعطيك العاااااااافيه ع النقاااش

ماااقصرت ربي يحفظك ياااعااادل

[الريم]

رب يعطيك العاااااااافيه ع النقاااش

ماااقصرت ربي يحفظك ياااابراهيم