اضرار ممارسة رياضة كمال الاجسام؟؟!!

منتدى الرياضة و الرياضيون


إضافة رد
 
أدوات الموضوع انواع عرض الموضوع
قديم 02-06-2012, 12:11 AM   #1
الازرق
عضو عشر نجوم
 
الصورة الرمزية الازرق
 
تاريخ التسجيل: Feb 2009
المشاركات: 4,053
قوة السمعة: 431
الازرق has much to be proud ofالازرق has much to be proud ofالازرق has much to be proud ofالازرق has much to be proud ofالازرق has much to be proud ofالازرق has much to be proud ofالازرق has much to be proud ofالازرق has much to be proud of
افتراضي اضرار ممارسة رياضة كمال الاجسام؟؟!!

اضرار ممارسة رياضة كمال الاجسام؟؟!!



السلام عليكم
الموضوع منقول للنقاش
نخش في الموضوع الجديد بقه والي هو بعنون امراض كمال الاجسام...
طبعا لو كتبت علي جوجل وكتبت فوائد رياضة كمال الاجسام هيديلك حجات كتير اووووي وفيه ناس كتير في المنتدى كتبين علي فوائد اللعبه مواضيع كتير اوي اوي بس هل قريت مره عن امراض كمال الاجسام؟؟؟؟

طبعا فيو ناس هتقرا العنوان وتقول اية التخريف دةولكن فية امراض وانشاء اللة نتعالج منها
اول شيء انواع امراض كمال الاجسام:

1- مرض عند كل الناس الي بتعلب حديد وهو ((( المراااايه )))
2- الحسد ((الحقد والغل))
3- التظاهر امام الناس باللعبه
4- الغرورررهنتكلم علي كل مرض من الامراض ديه بأيجاز زي ما اتعودنا والله المستعان:-
1- المراااايه
طبعا المرايه من اهم العادات الي بتلزق للاعب الحديد بمجرد ما يخش الصاله علقته بتبقه بالمرايه علاقه حميمه جداا وورايح يبص للمرايه وهو جاي برده مع المراايه ويبدا يتابع جسمه مش يوم بيوم لا لحظه بلحظه لازم يبفضل يبص علي نفسه طبعا ده موضوع عند ناس كتير اوي يمكن كلنا فينا الموضوع ده طبعا ده بيرجع لان اللعبه لعبه استعراضيه بس فيه ناس بيتحول معاهم الموضوع لمرض ازاي بقه؟؟؟

واحد يخش يشوف نفسه في المرايه الصبح يقول ياه ما شاء الله انا زدت ولا ايه علي اخر النهار يلاقي نفسه قل يقولك ياه انا خسيت بعد ساعتين يبص يلاقي نفسه زاد ياه انا زدت شويه ويخس ويفضل الوهم يلعب في راسه ويتعب نفسيا وممكن ميتمرنش تاني وهو ولا زاد ولا قل وطبعا كلها اوهام في اوهام ... طبعا معظمنا كده ((متبصش جمبك ايوه انته كنت كده وانا كنت كده فيه ناس بتفهم الموضوع وفيه ناس الموضوع ده بيزيد عندهم وبيتعبهم نفسيا بس ارجع واقول المرايه صديقة لاعب كمال الاجسام)) بدليل شوفتوا بتوع ميلودي تتحدى الملل شافوا المرايه ايه الي حصلهم خلاص لاعب الحديد علي علاقه حميمه مع المرايه وديه مشكله اعتقد ملهاش حل ههههههههههههه
2-الحسد:-
معروف في اي صالة جيم وانا قولت الكلام ده كتير فيه ظاهره منتشره اوي اوي يمكن اكتر مكان في الدنيا ممكن تسمع كلمة حسد فيه كله في صالة الجيم بيخاف من الحسد سواء الي عامل فره او الي مش عامل كله بيخاف من الحسد لا وايه الحسد في الجيم بيبقه ولو بنظره بدون قصد ممكن لاعب يتخانق معاك علي شان بصيت عليه وهو بيتمرن والله وبيحصل ويامه سلكنا خناقات كتير في الجيم بسبب الحسد وانا نبهت كتيير اوي في موضوع ملاحظات علي موضوع الحسد وازاي تجنب نفسك منه علي شان المبتدئين بالزات الي ميعرفوش جو الصالات ايه .
فيه ناس في الجسم ممكن تحسد بدون قصد انته معجب بالعضله او باللاعب وهو بيلعب تحسده بدون ما تشعر وفيه ناس بقه الحسد(الغل والحقد بقه) بيبقوا ريحين الجيم مخصوص علي شان يتفرجوا ويحسدوا في اللاعبين يقولك: ((ازاي ده جي بعدينا بكتير شوف بقه عامل ازاي واحنا بقالنا اد ايه بنلعب زي ما احنا ويفضل يحسد فيه)) دول بقه الناس الي فعلا بقوا مرضى بالحسد والحقد والغل وملبيييييييييييييييييين النوادي واللاعبين القدام والي بيقروا الكلم ده فهمين كويس اوي اوي الموضوع ده وديه بعتبرها من الامراض اايون امراااااض القلب وديه منتشره في الصالات وربنا يبعدنا عنهم ياااااااااااارب


(ملحوظه).. انا بخاف من الحسد ياجماعه كل الي يقرا الموضوع ووصل للسطر ده يصلي علي النبي علي شان ربنا يكرمنا كده ههههههههههههههههههههههههههه مش قصدي حد عينه وحشه ولا حاجه هههههههههههههه عاش يا ابطااال

3-التظاهر امام الناس باللعبه:-
برده هنقول ونكرر اللعبه لعبه استعارضيه بس في سؤال ملح عليه عايز اسأله لكل واحد انته بتلعب اللعبه ديه ليه؟؟؟

بلعب اللعبه ديه لله ثم علي شان اللبس بضيهات بقه واروش
واحد تاني يقولك بلعبها لله ثم علي شان صحتي
واحد تالت يقولك علي شان الي يكلمني اقتله
والي يقولك ادينا بنضيع وقت



فيه ناس بقه بتلعب اللعبه ديه علي شان تمظهر علي الناس تلاقيه طول مهه ماشي شادد المجنس وشادد وضع واحد استعداد ههههههههههههههههههههههههه والكل فاهمني الناس الي دخلت بطولات عرفه ايه هو وضع استعداد1 وتلاقيه ياخويه ماشي يا ارض اتهدي ويبص للناس بأحتقار كده زي ما يكون احنا مخلوقات فضائيه ولا ايه ودول الي جالهم مرض التظاهر في اللعبه ودول مشكلتهم رخمه اوي والله وليه اصحابي كتير فيهم الموضوع البااايخ ده اه احنا بنلبس بضيهات وبنظهر اننا بنلعب بس انا مش بمسي اقول للرايح والي جاي ايه رايك في جسمي انا بمشي بطبيعتي عادي وكلنا كده بس فيه ناس كده الحديد والعضلات بتجننهم وبيجلهم الموضوع ده

4- الغرور:-
وده طبعا كلنا عرفينه واحد قبل ما يلعب حديد يبقه قرب يختفي يلعب وربنا يكرمه ويشد تلاقيه بقه اهتم بأستيله ونفض لاصحابه وظبط مع الشباب الاجسام الي زيه وبقه مهم بقه(الله يرحم)
ويحسسك بقه انه مهم والبنات هتموت عليه ومين دول الي اقف معاهم(بس بامانه قليلن الي عندهم الموضوع ده بس فيه موجودين يعني)
وده علي فكره مبيعمرش في اللعبه كتير بيبقه بيلعب لهدف الفشخره الكداابه ومش بيعمر في اللعبه كتير والناس كلها بتكرهه ومش بيبقه لصه اصحاب ولا احباب كتيير وده بعتبره مرض برده من امراض اللعبه

طيب احنا استعرضنا امراض اللعبه فيه منهم الي صعب التخلص منه زي المرايه بس فيه حل انته لو خبيت جسمك عن المرايه خالص لمدة شهر مثلا وشوفته في المرايه هتلاقي تغيير في جسمك اكيد وهتلاحظه وحاول انك تجرب الموضوع ده وهتشوف انما ديما مع المرايه مش هينفع ولا هتشوف اي تغيير ولا اي حاجه وممكن تتخنق من اللعبه ....


وموضوع الحسد هقول ايه واعيد ايه ربنا يبعدنا عنهم وحاول كل مره تيجي تلبع في اول رفعه((بسم الله الله اكبر)) وترفع بعد ما تخلص الحمدلله وحاول تخلي القراءن ديما في لسانك وانته بتتمرن ده الحل الوحيد لموضوع الحسد ده علي شان بصراحه الحسد مش بس ممكن ياثر علي الجسم لا ممكن يازيك كمان يعني انا بلعب ترابيس مره والله العظيم ده حصل المهم ماسك الدمبزين ال50 و50 وبلعب ولابس الفنله الكت بتعتي وواقف المدرب بتاع النادي صحبي بيبقولي تاني يامحمود الفنله ديه يبني اللبس بكم قلتله ياكوتش الجو حر خلصت لعب وبحط الدنابلز علي الاستند وواحد حاطط الدبملز ال45 علي الطرف بزقه كده راح مقلوب علي رجلي مش عايز اقولكم انا بقيت الف الصاله جري من الوجع في ساعتها ويه فيه بتاع حوال 6 واقفين بيتفرجوا بس عليه وانا بتمرن ومش عايز اكسف حد ماعلينا الحمدلله علي كل حال المهم نتبع المعلومات ديه وربنا يبعد عننا الوحش يارب ....

hqvhv llhvsm vdhqm ;lhg hgh[shl??!! hgh[shl??!! hqvhv vdhqm

الازرق غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ممارسة, الاجسام؟؟!!, اضرار, رياضة, كلام

جديد منتدى منتدى الرياضة و الرياضيون


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

Forum Jump

المواضيع المتشابهه
الموضوع كاتب الموضوع المنتدى مشاركات آخر مشاركة
علاقة رياضة بناء الاجسام والجنس ..... الازرق منتدى الرياضة و الرياضيون 0 02-06-2012 12:08 AM
رياضة كمال الأجسام (نصائح وارشادات) الهلالي منتدى الرياضة و الرياضيون 0 12-22-2011 11:22 PM
رياضة كمال الأجسام (نصائح وارشادات) الهلالي منتدى الرياضة و الرياضيون 0 12-22-2011 11:14 PM
اول فتاة عربية تحترف رياضة كمال الاجسام 2011 منتدى عالم الجريمة للكبار فقط 0 07-09-2011 12:01 AM
رياضة كمال الأجسام abo nagd منتدى الرياضة و الرياضيون 2 09-19-2010 05:38 AM

ترتيب الموقع عالميا
     

RSS RSS 2.0 XML MAP HTML  PHP  INFO GZ Site_Map SITMAP SITMAP2 TAGS DIRECTORY



ادعم صفحة كبرياء الخليج في تويتر ادعم صفحة كبرياء الخليج في الفيس بوك

All times are GMT -8. The time now is 01:56 AM.
iستضافة-تصميم-دعم فني-برمجة-شركة-حمايه-نسخة في بي محمية


Powered by vBulletin®
Copyright ©2000 - 2014, Jelsoft Enterprises Ltd eit.com.sa .
جميع الحقوق الأدبية والفكرية محفوظة لـ منتديات كبرياء الخليج وعلى من يقتبس من المنتدى الإشارة إلى المصدر -ونفيدكم بان جميع المشاركات والمواضيع في منتديات كبرياء الخليج لا تعبر بالضرورة عن رأي الإدارة إنما تمثل وجهة نظر كاتبها – و اللهم إني بري من أي موضوع مخالف أو صوره نسائية أو أي شي يخدش الدين اللهم بلغت اللهم فا اشهد . قال الله تعالى { يائيها الذين آمنوا اجتنبوا كثيرا من الظن إن بعض الظن أثم ولا تجسسوا ولا يغتب بعضكم بعضا أيحب أحدكم أن يأكل لحم أخيه ميتا فكرهتموه واتقوا الله إن الله تواب رحيم }

ارشفة مجموعة كل الحكايه لخدمة الويب وتقنية المعلومات