العودة   منتديات كبرياء الخليج - أكبر ملتقى عربي يهتم بالنوادر > قسم كبرياء الخليج العام > منتدى السياحة والسفر
التسجيل التعليمـــات التقويم اجعل كافة الأقسام مقروءة




إضافة رد
 
أدوات الموضوع انواع عرض الموضوع
قديم 09-04-2011, 04:30 PM   #1
المستخدم
عضو عشر نجوم
 
تاريخ التسجيل: Feb 2010
المشاركات: 0
قوة السمعة: 0
المستخدم has a reputation beyond reputeالمستخدم has a reputation beyond reputeالمستخدم has a reputation beyond reputeالمستخدم has a reputation beyond reputeالمستخدم has a reputation beyond reputeالمستخدم has a reputation beyond reputeالمستخدم has a reputation beyond reputeالمستخدم has a reputation beyond reputeالمستخدم has a reputation beyond reputeالمستخدم has a reputation beyond reputeالمستخدم has a reputation beyond repute
Travel2 صور ومعلومات عن الرياض ومولاتها وكل شيء ممكن تحتاجونه =))

السلام عليكم


اول شيء انا لاحظت انو مافيه معلومات ولا صور كافيه بالمنتدى عن الرياض
وايش في الرياض لقيت مواضيع عن الخبر بس الرياض تقريبا مالقيت غير موضوع واحد
فحبيت اني انزل كم صوره عن مجمعات او مولات الرياض وعن الاماكن الي ممكن الواحد
يزورها بالرياض ومع معلومات عنها =))



اول شيء ببدأ بمولات او مجمعات الرياض الي اكثر شهره وافضلها واحدثها
واذا شفت فيه تفاعل كملت عن الاماكن الثانيه


هذا المول اسمه (( حياه مول )) وهو على طريق الملك عبدالله
والي موجود فيه من محلات فيه الماركات العاديه مثل زارا وبيرشكا وهذي الاشياء
في الدور الاول ومحلات ثانيه يعني مجوهرات ومحلات السبورت ومحلات اكسسورات وميك اب
ومحلات ثانيه ملابس عاديه وفيه بعد سوبر ماركت الدانوب والكترو على مااعتقد
والدور الثاني يكثر فيه محلات الاطفال ومحلات فساتين الزواجات وصاله المطاعم ومدينه الترفيه =))
[IMG]ومعلومات الرياض ومولاتها ممكن تحتاجونه[/IMG]




وهذا المول اسمه ((صحارى)) وهو بجنب حياه مول
والي موجوده فيه بالدور الاول نفس الشيء محلات الماراكات بيرشكا ونيويوركر ومونجو وغيرها
وبعد فيه عند بوابه رقم واحد محلات المجوهرات وبعد محلات الجزم وباقي السوق زي ماقلت لكم محلات الماراكات والملابس وفيه بعد التميمي سوبر ماركت والدور الثانيه فيه صاله المطاعم ومدينه الترفيه =))
[IMG]ومعلومات الرياض ومولاتها ممكن تحتاجونه[/IMG]



وهذا المول اسمه ((صحارى بلازا)) وهو بعد بجنب ((صحارى )) الي تو قلت لكم عنه وبالنسبه لي هذا مني مول لانه مره صغير وبسيط
وفيه بالدور الاول المحلات الي مره مشهوره ومتوفره بكل مكان الي هي زارا بيرشكا وتيرانوفا وبرومود واكسسوريز وهذي المحلات وفيه بعد محل ايكونيك وهو بعد فاتح برياض غاليري
والدور الثاني فيه مدينت ترفيه صغيررره ومحلات بسيطه وبعد مافيه غير مطعم واحد الي هو ذا كومباني بيتزا وفيه سينابون كافيه وبس =))
ومعلومات الرياض ومولاتها ممكن تحتاجونه




وهذا المول اسمه ((العزيزيه مول )) المول هذا عادي
والمحلات الي تتوفر فيه بالدور الاول هي تخفيضات لمحلات الماركات الي بالاسواق العاديه
يعني تكون الملابس مثلا حقت العام الي فات او تكون مامشت او ماادري يمكن فيها عيوب بسيطه فيسوون لها تخفيض لسعرها ويبيعونها وفيه بعد سوبر ماركت هايبر بنده والدور الثاني
فيه صاله مطاعم بسيطه وفيه مدينه ترفيه وفيه زي نادي للاطفال ومكتبه ومحل اثاث
وفيه محلات او اماكن للاشغال اليدويه للاطفال مثلا مثل مطبخ صغير ليعملون الاطفال بيتزا ومعجنات
او زي منجره بسيطه ليعملون اشياء من الخشب وفيه بعد زي مكان للالعاب زي مرتفعات يرقونها ويتسلقونها ومثلا زي تزيين تحف صغيره وتلوين زجاجات وهذي الاشياء البسيطه وبعد
احسها هذي افيد للاطفال وامتع لهم من مدينات الترفيه وبعد لاحظت المدراس
يودون طلابهم لها وبس =))
ومعلومات الرياض ومولاتها ممكن تحتاجونه





وهذا المول اسمه (( غرناطه مول)) وهو بمنطقه غرناطه
السوق هذا كبير وشوي يختلف بمحلاته وماركاته عن غيره من المحلات والدور الاول فيه كله محلات زي اتش اند ام ومونجو وبيرشكا وغيره من المحلات وفيه بعد سوبر ماركت كارفور والدور الثانيه
فيه بعد محلات وفيه صاله المطاعم ومدينه الترفيه وبس
ومعلومات الرياض ومولاتها ممكن تحتاجونه
ومعلومات الرياض ومولاتها ممكن تحتاجونه




وهذا المول اسمه ((رياض غاليري )) وبالنسبه لي هو افضل المولات او المجمعات
المول كبيرررر وثلاث ادوار وفيه كل شيء تحتاجينه فمثلا الدور الاول فيه محلات الماراكات
زي زارا بيرشكا بول اند بير ات اند ام ونيولوك ودبن هامز وغيره وغيره وفيه بعد مجموعه كبيره من الكفيات وتكون او تتجمع على البحيره مثل ستاربكس وذاكريب كافيه وكوستا وغيرهم والدور الثاني
فيه بعد محلات وفيه سوبرماركت هايبر بنده والدور الثالث صاله مطاعم كبيره ومدينه ترفيه
ومعلومات الرياض ومولاتها ممكن تحتاجونه
ومعلومات الرياض ومولاتها ممكن تحتاجونه




وهذا مول ((برج المملكه )) وهو طبعا على شارع العليا
ويتوفر هذا المول من ماراكات عالميه وعاديه فهو مدري يمكن من ثلاثه ادوار الي اربعه
ففي الدور الارضي صاله المطاعم وعلى مااعتقد مدينه ترفيه وفي الدور الاول فيه محلات
والدور الثاني بعد محلات والدور الثالث مدري الرابع فيه مملكه المراه وهو يعني هذا الور مايدخله
غير الحريم ويعني علشان يفتشون وياخذون راحتهم والمكان فيه محلات ومطاعم وكفيات وبس=))
ومعلومات الرياض ومولاتها ممكن تحتاجونه
ومعلومات الرياض ومولاتها ممكن تحتاجونه
ومعلومات الرياض ومولاتها ممكن تحتاجونه



وهذا المول (( برج الفيصليه)) ونفس الشيء هو بالعليا
والي موجوده بهذا السوق اهو 4 ادوار بالدور الارضي مدينه ترفيه ومطعم ماك وبالدور الاول محلات مختلفه ونفس الشيء فيه ماراكات عالميه وماراكات عاديه زي زارا وغيره والدور الثاني بعد فيه محلات
والدور الثالث صاله مطاعم ومحلات بسيطه مثل التعليم المبكر ومحل الكترونيات وغيرهم وبس =))
ومعلومات الرياض ومولاتها ممكن تحتاجونه



وهذا مول (( بانوراما مول )) بالتخصصي
واهوا دور واحد وفيه سوبر ماركت الدانوب وفيه محلات ماراكات مثل زارا وبيرشكا وغيرهم
وفيه بعدصاله مطاعم ومدينه ترفيه وبس =))
ومعلومات الرياض ومولاتها ممكن تحتاجونه
ومعلومات الرياض ومولاتها ممكن تحتاجونه



وهذا مول ((رويال مول )) اهوا قديم شوي ومافيه شي مره يعني عادي ومايجي شي عن الي فوق
وهو ثلاث ادوار الدور الاول محلات منها ماركات ومنها محلات عاديه والدور الثاني فيه محلات
ومدينه ترفيه وصاله تزلج وبعد فيه صاله تزلج خاصه بالنساء والدور الثالث فيه صاله المطاعم وبس=))

ومعلومات الرياض ومولاتها ممكن تحتاجونه




وهذا مول ((العليا مول )) نفس الشيء قديم شوي وهو بالعليا
وهو دور واحد ومحلاته عاديه يعني يمكن قليله مره الماراكات فيه ومحلاته عاديه زي فساتين السهرات والزواجات ومحلات مثل الجلابيات واطفال ممكن وفيه صاله مطاعم صغيرره وبس =))
ومعلومات الرياض ومولاتها ممكن تحتاجونه




وفيه مول ((سنتريا مول )) بعد بالعليا
ماادري ماعندي عنه معلومات كثيره لاني لسه مارحت
وهو فيه ماركات عالميه ومطاعم راقيه وبس =))
ومعلومات الرياض ومولاتها ممكن تحتاجونه
ومعلومات الرياض ومولاتها ممكن تحتاجونه





وفيه بعد مول اسمه ((القرعاوي مول )) وبعد بالعليا
وهو 3 ادوار وصغير وماراكات عالميه وفيه بالدور الول كوفي ومحلات وفيه بعد محل
يضم الماركات السبورت مثل كات وووو ومره حلو وكبير المحل والدور الثاني فيه بعد محلات
والثالث نفس الشيء وبس =))
ومعلومات الرياض ومولاتها ممكن تحتاجونه





وفيه بعد بالنسبه للاسواق الشعبيه الي اعرفهم اربعه (( الي هم الاندلس والمجد والعويس وطيبه))
وافضلهم بالنسبه لي العويس وطيبه وهم اسواق يعني محلات رخيصه وعاديه ومو شرط رخيصه
لان بعض المحلات مصدقين نفسهم انهم ماركات فرافعين الاسعار شوي وفيهم بعد محلات العبايات
والجزم والاواني المنزليه والعطارين وملابس الرجال ومحلات البخور
وووو يعني زي المباركيه عندكم وبس =))



وخلص التقرير طبعا هذي المولات هي الاشهر والاحدث والاكثر شعبيه والي انا اعرفهم
واروح لهم وبليز ابغى منكم انكم تتفاعلون واي وحده بعد عندها معلومات عن الرياض سواء من
مولات او من غيره عادي انا سامحه لكم باضافه الي تبونه علشان الكل يستفيد سواء
من سعوديات او حتى الي حابين يزورون الرياض واي استفسار انا حاضره لكم واسالوني
قد ماتبون ومنورات حبيباتي =)) :eh_s(22):

w,v ,lug,lhj uk hgvdhq ,l,ghjih ,;g adx ll;k jpjh[,ki =))

المستخدم غير متواجد حالياً   رد مع اقتباس
إضافة رد

مواقع النشر (المفضلة)

جديد منتدى منتدى السياحة والسفر


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

Forum Jump

المواضيع المتشابهه
الموضوع كاتب الموضوع المنتدى مشاركات آخر مشاركة
استشارة وطلب راي ومعلومات ....!! ناصر النقيدان منتدى السياحة والسفر 0 08-12-2011 08:15 AM
أجمل المساجد ومعلومات عنها المتحدي منتدى السياحة والسفر 0 07-23-2011 06:12 AM
.+*+. فوائد التمارين الرياضية ومعلومات عن السعرات الحراريه .+*+. 2010 منتدى الرياضة و الرياضيون 3 03-24-2011 02:11 PM
الكلوركس أضراره ومعلومات عنه........ رورو الحلوه المنتدى الطبي 0 01-30-2011 09:53 AM
متحف اللوفر صور ومعلومات عاشقة الكون منتدى الإبداع و التصاميم 3 03-27-2010 04:24 AM

ترتيب الموقع عالميا
     

RSS RSS 2.0 XML MAP HTML  PHP  INFO GZ Site_Map SITMAP SITMAP2 TAGS DIRECTORY



ادعم صفحة كبرياء الخليج في تويتر ادعم صفحة كبرياء الخليج في الفيس بوك

All times are GMT -8. The time now is 09:50 AM.
iستضافة-تصميم-دعم فني-برمجة-شركة-حمايه-نسخة في بي محمية


Powered by vBulletin®
Copyright ©2000 - 2014, Jelsoft Enterprises Ltd eit.com.sa .
جميع الحقوق الأدبية والفكرية محفوظة لـ منتديات كبرياء الخليج وعلى من يقتبس من المنتدى الإشارة إلى المصدر -ونفيدكم بان جميع المشاركات والمواضيع في منتديات كبرياء الخليج لا تعبر بالضرورة عن رأي الإدارة إنما تمثل وجهة نظر كاتبها – و اللهم إني بري من أي موضوع مخالف أو صوره نسائية أو أي شي يخدش الدين اللهم بلغت اللهم فا اشهد . قال الله تعالى { يائيها الذين آمنوا اجتنبوا كثيرا من الظن إن بعض الظن أثم ولا تجسسوا ولا يغتب بعضكم بعضا أيحب أحدكم أن يأكل لحم أخيه ميتا فكرهتموه واتقوا الله إن الله تواب رحيم }

ارشفة مجموعة كل الحكايه لخدمة الويب وتقنية المعلومات